سياسة الخصوصية
آخر تحديث: 21 نوفمبر 2026
طوبة لسه في أولها، وبتجمع أسماء وأرقام الناس اللي عايزين يبقوا في أول قائمة. الصفحة دي بتقول إيه اللي بناخده منك، وبنعمل بيه إيه، وإزاي تمسحه.
البيانات اللي بناخدها
- اسمك ورقم موبايلك.
- المنطقة، ولو صاحب شقة: مكانها ومساحتها وحالتها. ولو ساكن: دخل البيت التقريبي وإمتى عايز تنقل.
- الخطة اللي حسبتها في الحاسبة، لو حسبت.
- جيت منين: إعلان، أو جروب، أو لينك مباشر.
وحتى لو ماسجّلتش، بنعدّ الزيارات من غير ما نعرف انت مين: فتحت الصفحة، ووصلت للفورم، وبدأت تكتب ولا لأ. الأرقام دي مش فيها اسم ولا رقم ولا كوكيز، وبتساعدنا نعرف الصفحة محتاجة تتحسن فين.
لو سجّلت من فورم إعلان على فيسبوك أو إنستجرام، البيانات بتوصلنا من خلال Meta، وMeta بتتعامل معاها حسب سياستها هي كمان.
بنستخدمها في إيه
عشان حد من فريق طوبة يكلمك، ويفهم وضعك، ويحسب معاك خطة. مش هنستخدم رقمك في حاجة تانية، ومش هنبيعه ولا نديه لحد برّه الفريق.
بتتحفظ فين ولحد إمتى
بتتحفظ في قاعدة بيانات مقفولة، والفريق بس هو اللي يقدر يفتحها. بنحتفظ بيها لحد ما تطلب نمسحها، أو 12 شهر من آخر مرة اتكلمنا فيها، أيهما أقرب.
حقك
تقدر في أي وقت تطلب تشوف بياناتك، أو تصلّحها، أو تمسحها خالص. ابعتلنا على واتساب وهنرد خلال يومين.
التسجيل مش عقد
التسجيل معناه إنك عايز نكلمك، مش أكتر. مفيش أي فلوس بتتدفع ولا أي التزام عليك أو علينا من التسجيل.
ارجع للصفحة الأولى